5º Primaria
A clase de 5º de Primaria encheuse de personaxes misteriosos para festexar o Samaín con diversas actividades creativas. Entre redaccións sobre os seus disfraces, comecocos terroríficos, desfile, merenda e un obradoiro de vasoiras, as nenas e nenos compartiron un día inesquecible.
3º Primaria · 4º Primaria · 5º Primaria · 6º Primaria
O alumnado de 3º a 6º de Educación Primaria participou nun obradoiro de vasoiras naturais empregando paus, xestas, follas e cordas para celebrar o Samaín. A actividade serviu tamén para desmontar mitos e coñecer o labor que realizaban as antigas menciñeiras na Idade Media.
Actividades de centro · 5º Primaria · 6º Primaria
O alumnado colaborador de 5.º e 6.º de primaria protagoniza unha nova entrega en Radio Belesar, conversando con Pablo sobre as tarefas e a dinamización da biblioteca escolar. No programa participan tamén no xogo de improvisación «Misión biblioteca!» para amosar a súa imaxinación e traballo en equipo. Xa podes escoitar o episodio premendo na seguinte ligazón: https://radio.ceipbelesar.org/episodio/episodio-20261030-biblioteca-equipo
Actividades de centro · 1º Primaria · 2º Primaria · 3º Primaria · 4º Primaria · 5º Primaria · 6º Primaria
O alumnado de 1º a 6º de Primaria prepárase para a chegada de Halloween dende as materias de Inglés e Arts. Inspirándose en varios contos en lingua inglesa, as nenas e nenos crearon bruxas, monstros e unha mansión terrorífica para o mural do cole.
5º Primaria
O alumnado de 5º de Primaria participou nunha dinámica sesión de Máis que palabras, poñendo a prensa patas arriba. En equipos, investigaron, clasificaron noticias por seccións e elaboraron un mural para coñecer a estrutura dun xornal.
5º Primaria
O alumnado participou nun obradoiro facilitado por María, de Amaturi, centrado en aprender a coñecerse e respectarse. A sesión abordou aspectos como a intimidade, o consentimento e os cambios corporais nun clima de confianza e diálogo grazas ao apoio da AFA.
5º Primaria
O alumnado realizou o seu primeiro ditado por parellas na clase de Lingua Castelá, compartindo frases e revisando os textos conxuntamente. Ademais de traballar a ortografía, as nenas e nenos dedicáronse mensaxes de ánimo para aprender dende o respecto e a empatía.
5º Primaria
O alumnado de quinto de primaria atopou unha píntega durante o recreo e aproveitou para investigar sobre ela. Tras comprobar que non é velenosa e que só segrega unha substancia irritante, realizaron unha expedición express para liberala na charca próxima ao colexio.
3º Primaria · 5º Primaria
Regresa o proxecto «Máis que palabras» cunha nova proposta na que o alumnado de 3º e 5º de Primaria traballará xunto arredor do xornal. Na súa primeira sesión, as nenas e nenos exploraron diferentes publicacións e identificaron as súas seccións para aprender a ler con ollos curiosos.
5º Primaria
Os rapaces e rapazas de 5º de Primaria están a traballar a descrición de persoas na clase de Lingua Castelá. Seguindo un guión estruturado, comezaron en gran grupo, pasaron a traballar por parellas e agora están a perfeccionar as súas habilidades de forma individual.
